Subbiahpatturajan
நல்லா போயிண்டுருந்த லைப்ல ஹெல்த் பத்தி சொல்லறேன்னு எல்லாரும் ஆரம்பிச்சாங்க பாருங்க
அய்யய்யோ...
காலையில் எழுந்தவுடனே வெறும் வயத்திலே முதல்ல ஒரு டம்பளர் தண்ணீர் குடிக்கணும்னு சொன்னா. அப்புறம் இல்லே ரெண்டு டம்பளர் வெந்நீர் தான் குடிக்கணும்னா. அப்புறம் இல்லை வெறும் வெந்நீர் இல்லை அதிலே எலுமிச்சம்பழம் பிழிஞ்சு, ரெண்டு சொட்டு தேன் விட்டு குடிக்கணும்னா. அப்புறம் அதிலே கொஞ்சம் இஞ்சி தட்டி போட்டு குடிச்சா ரொம்ப நல்லதுன்னா. ஆக இப்போ காத்தாலே நான் தண்ணீர் குடிக்கறதையே நிறுத்திட்டேன்.
வாக்கிங் சோதனைகள்
- அடுத்தது வாக்கிங் போகலாம்னு பார்த்தா, முதலேயே வேகமா நடக்கப்படாது மெதுவா நடந்து அப்புறம் வேகத்தை கூட்டி மறுபடியும் முடிக்கறச்சே மொள்ள நடக்கணும்னா வெறும் வாக்கிங் போறாது. எட்டு போட்டு நடக்க சொன்னா. அதனாலே பலன் பல மடங்கு பெருகும்ன்னு சொல்லி ஒழுங்கா நடந்துண்டு இருந்தவனை கெடுத்து எட்டு போட்டு தலை சுத்த வெச்சு. வாக்கிங் க்கு ஒரு ஃபுல் ஸ்டாப் வெச்சாச்சு.
அடுத்த ஆப்பு சாப்பாட்டுல
அந்த கதையாவது பரவாயில்லை - காபி, டீ தொடப்படாதாம். பால் நிறைய சேர்த்துக்க கூடாதாம். நாம ஆரோக்கியமா இருக்கணும்னா கண்ராவி கசப்பா பிளாக் காபியோ, க்ரீன் டீயோ குடிக்கலாமாம்...., அதுக்கு நான் சும்மாவே இருந்துடுவேன்.
அப்புறம் பிரேக் பாஸ்ட் இட்லி தோசை கூடாது. பிரட் தான் பெஸ்ட். பொங்கல் மாதிரி ஹெவியா சாப்பிடப்படாது. பூரி கூடாது. இன்னும் ஏதேதோ சொல்லி அதுவும் நிறுத்தப்பட்டது.
இப்போ மத்தியானம் நிறைய சாதம் சாப்பிடாதைக்கு வேக வெச்ச கறிகாய் இல்லேன்னா மைல்டு பொரித்த கூட்டு, அதிகமா மசாலா சேர்க்காமல் நிறைய சூப் சேர்த்துக்கலாம்னு சொன்னா. உருளைக்கிழங்கு , வாழைக்காய் சாப்பிடக்கூடாதாம். தயிர் அதுவும் கெட்டியா கூடவே கூடாதாம். ஐஸ் வாட்டர் கூடவேகூடாது.
சரி சாயங்காலம் ஏதாவது ஸ்னாக்ஸ் சாப்பிடலாம்னா நமக்கு பிடிச்ச கேசரி, பஜ்ஜி போண்டா அதெல்லாம் கூடாதாம். வித விதமான பழங்களை அழகா நறுக்கி ஒரு பெரிய பௌல்ல வெச்சுண்டு ரசிச்சு ருசிச்சு சாப்பிடணுமாம்.
ராத்திரி ரொம்ப பசித்தால் மட்டுமே டின்னர் சாப்பிடணுமாம். அதுவும் ரெண்டு சுக்கா ரொட்டி தால்(பருப்பு) தொட்டு சாப்பிடலாமாம். அப்புறம் ராத்திரி பால் சாப்பிடாதே, வேணும்னா ஒரு டம்ளர் வெந்நீர் குடி.
தூக்கத்தில் துக்கம்
அதுக்கப்புறம் தூங்கறதுக்கும் தடா. இடது பக்கம் படுக்கணும். அப்போதான் இதயம் இயல்பா இருக்கும்னு சொன்னா அப்புறம் வலது பக்கம் படுத்தால்தான் கொழுப்பு ஜீரணமாகும்னு சொன்னா.. மல்லாக்கா படு அப்போதான் பார்கின்சன், அல்சைமர் எல்லாம் வராதுன்னா. இல்லேயில்லே குப்புற படுத்தால் நல்லது. தொப்பை வராது. ஒபிசிட்டி வராதுன்னு சொன்னீங்க ஏன்டா நான் magazine படிச்சது தப்பா இல்ல நீங்க சொல்லித் தந்தது பொய்யா? எங்களோட முன்னோர்கள் கூட இந்த அளவுக்கு கஷ்டப்பட்டு வாழ்ந்திருக்க வாய்ப்பில்லை....அய்யோ...🙆🙏
கடைசியா ஒன்னு சொல்றேன்
அடேய்ய்...! அடங்குங்கடா எல்லாரும்...
இப்படி எதுவுமே சாப்பிடாம ஆரோக்கியமா இருந்து ஒண்ணும் கிழிக்க வேண்டாம். எனக்கு பிடிச்சதை சாப்டுட்டு, சந்தோஷமா எப்போதும் போல 'ஜாலிலோ ஜிம்கானா'ன்னு பாடிண்டு போயிண்டே இருக்கேன்..! என்னிக்கு இருந்தாலும் ஒரு நாள் நான் மேலே போய்த்தானே ஆக வேண்டும், இப்படி எல்லாரும் பட்டினியா(டயட்டில்) இருந்து யாராவது இங்கேயே தங்கி இருந்தார்கள் என்று சொல்ல முடியுமா? ம்ம் இத உங்களுக்கு சொல்லி புரிய வைக்க ஏதோ முயற்சி பண்ணி இருக்கேன்.
ஏன் கோவில் கட்டி வச்சாங்கன்னா...
மக்கா நம்ம முன்னோர்கள் ஏன் இவ்வளவு பெரிய உயரத்தில் போய் ஏன் கோவில் கட்டி வச்சாங்கன்னா...நாம எல்லாரும் ஆரோக்கியமாக இருக்கனும்னு தாம்ல... நான் திருநெல்வேலிகாரங்க ஏதோ மண்டயில உரச்சத சொல்லிபுட்டேங்க நல்லா சாப்பிடுங்க மக்கா ஆனா வாரத்துல ரெண்டு தடவ மலை கோவிலுக்கு போகனும் .
மக்கா ... சாமிகிட்ட ஆரோக்கியம் கேட்க தேவை இல்ல அது தண்ணால வரும்ல என்ன நான் சொல்றது....
கருத்துகள்